PAYO SA MGA BALIKBAYAN-BALIK-TIRAHAN SA ATING BANSA
Mula sa KIBAKA - Kilusang Balik-Kaayusan sa kinabukasan ng ating
mga anak at kabataan, Ang Susunod Na Henerasyon Ng Mga Pilipino
Email address: kibaka.canada@sympatico.ca
Visit our website: www.kibaka.org to register and join
Sapagka’t sa ngayon ay ang KIBAKA ay umaabot sa lahat ng bansa,
madami ang nagtatanong sa amin na mga kababayan natin na gustong Magbalikbayan
o Magbalik-Tirahan sa maraming siyudad, bayan at baryo sa bansa.
Ang mga magbabalik na kababayan na permanente ng uuwi ay nagtatanong
ng mga tulong upang sila ay madaling mapasali sa galaw ng buhay sa
atin. Kaya kami sa KILUSANG KIBAKA ay gumawa ng mga mahalagang mga
hakbang na dapat malaman ng ating mga kababayan. Ito ay buhat sa mga
karanasan ng maraming naunang bumalik sa atin.
SA MGA BALIKBAYAN LAMANG
Halos lahat ng ating mga kamag-anak, kapit-bahay at mga kaibigan
ay naniniwala na tayo buhat sa ibang bansa ay mayayaman na at ang
ating salapi na dolyar na ating kinikita ay pinupulot lamang natin
dito. Hindi natin sila masisisi sa dahilang tayo na din ang mga may
kasalanan. Sa kagustuhan nating maipakita na tagumpay tayo sa ibang
bansa, hindi natin sinasabi ang katotohanan na kadalasan ay dalawa
ang ating trabaho, upang mabuhay ng masagana dito sa ating bagong
bansa na nilipatan.
Na ang ating ginagasta sa pagba-balikbayan ay inutang lamang sa credit
card at pagta-trabahuhan upang mabayaran sa ating pagbabalik. Maraming
pasalubong na dala, galante sa pag-gasta sa mga kamag-anak, kainan
sa umaga, sa tanghali, inuman sa hapon, hapunan sa gabi. Walang tigil
ang dating ng mga kamag-anak na sumasalubong. May gustong mangutang,
manghingi ng pera, masama ang loob pag natangihan mo. Sa iyong pagbabalik,
masakit ang iyong ulo, baon ka sa pagka-kautang. Hindi bale ito, sikat
ka naman, bilib ang lahat sa iyong tagumpay.
SA MGA PERMANENTENG MANINIRAHAN SA BANSA
Naririto ang inyong mga dapat na malaman sa matagumpay na pamumuhay.
Pakiusap namin, mangyari lamang na kami ay sabihan sa pamamagitan
ng email kung ito ay mga tama na nakatulong sa inyong pagbabalik at
kung mayroon kayong maidadagdag na karanasan upang aming isama sa
mga payo dito.
Ang unang pinaka-mahalagang inyong dapat na gawin matapos maisa-ayos
lahat: MANGHINGI KAYO NG “DALAWANG ASO” NA INYONG AALAGAAN
Ito ang inyong magiging matapat na TANOD na hindi ninyo kailangan
bayaran. Libangan na maturuan ni “MISTER” sa loob--labas
ng bahay.
Ang pangalawang mahalagang dapat na inyong ipundar sa bahay. Libangan
naman ni “MISIS” magtanim ng halaman. Mga gulay sa paligid
ng bakod, sa paso at likod ng bakuran. Makatitipid sa bilihing pagkain,
malinis na walang bomba ng gamot. Sa mga bakod: upo, patola, bataw,
sigarilyas na gumagapang. Sa mga paso at likod ng bakurang halamanan,
itanim kailangan sa araw-araw sili, luya, kamatis, talong, okra, kamote,
papaya, saging, kalabasa. Madaling magsitubo, mahihingi ang mga buto
sa kapit-bahay o munisipyo. Magdadala ng kulay sa inyong paligid,
makikitang halimbawa ng inyong mga kamag-anak, kapit-bahay at kaibigan,
pagsisimulan ng usapan at kilusan simula ng inyong pagtulong sa pagdadala
ng pagbabago sa inyong paligid. Pag-uusapan, maka-hihikayat sa ibang
pamilya na magsimula ng kanilang taniman. Matatahimik ang inyong lugar
na tinitirahan dahil sa sagana sa pagkain.
Ang pangatlong mahalagang halimbawa, magdadala ng ulam sa hapag kainan.
Mag-alaga ng mga manok na sariling atin, upang makuhanan ng itlog
sa araw-araw. Magpagawa ng isang kulungan, pakakawalan ng inyong mga
manok na aalagaan, Lagyan ng pugad na itlogan, palakihan ng mga bagong
pisang inakay. Matapos ang 3-5 buwan lamang, may itlog ka, may manok
pang makakain.
Sumapi sa mga samahang sibiko, ipakita ang iyong gulay at halaman
at mga manok. Makipag-ugnay sa mga paaralan sa baryo, magtatag ng
mga samahang “COMMUNITY GARDENING SA MGA LUPANG WALANG TANIM”
anyayahan ang mga kabataang mga naka-istambay at walang ginagawa masisinop
sila, matuturuan ng SIPAG AT TIYAGA kailangan nila upang mabuhay.
MALAKING TULONG ANG INYONG MAGAGAWA SA LUGAR NA INYONG TINITIRAHAN
NA BARYO O BAYAN RESPEKTO SA INYO ANG MAGIGING KAPALIT NITO HINDI
KAYO LALAPITAN UPANG HINGAN NG TULONG NA SALAPI DAHIL MAY MAIPAKIKITA
KAYONG MAARING PAGSIMULAN NG PAGKAIN SA PAMILYA AT PAGKAKAKITAAN SA
LABIS NA AANIHIN KUNG ITO AY PAMAMARISAN NG MGA MAHIHIRAP DITO.
BUMALIK SA ATING BANSA “BAGUHIN” ANG BUHAY NG PILIPINO
PAALA-ALA AT PATALASTAS
Kailanga ninyo na may “Computer-Internet” sa inyong pamamahay
Madali kayong makahihingi ng mga payo sa mga kina-uukulan
Malalaman ninyo ang mga nangyayari sa ibang mga lugar at bansa
At ang mahalaga, tatanggap kayo sa KIBAKA ng ating mga Paala-ala at
Patalastas
Mahalaga na magkaroon ng mga “ASO” hindi mapagnanakawan
sa bakuran.
Matapat na bantay sa inyong bahay at mga halaman at mga hayop na inaalagaan.
ANG KIBAKA
Email address: kibaka.canada@sympatico.ca
